Oromiyaatti ijaarsa daandiiwwaanii kiiloo meetira kuma 61 ol qaqqabsisuuf hojjetamaa jira

Finfinnee, Guraandhala 16, 2015 (FBC)-Naannoo Oromiyaatti bara bajata 2015’n ijaarsa daandiiwwaanii kiiloo meetira kuma 61 fi 513 ol qaqqabsisuuf hojjetamaa jiraachuu Biiroon Daandiwwaanii fi Loojistiksii Oromiyaa beeksise.

Hoggantuun Biirichaa Injiinar Heelan Taammiiruu Faanaa Biroodkastingi Koorpooreetiif akka ibsanitti, baatiiwwan jahan darbanitti daandiin haaraan kiiloo meetirri 413.88 ijaarameera.

Kana malees, bara darbe waliin gahiinsaa daandiwwaniin, daandiin kiiloo meetira kuma 58 fi 981 ture bara kana kiiloo meetira kuma 59 fi 381 qaqqabuu eeraniiru.

Baatiiwwan jahan darban ijaarsi riqichaa 9 xumuramuu ibsuun, daandiiwwaan kiiloo meetirri kuma 4 fi 298 suphamuu Injiinar Heelan dubbataniiru.

hojilee kanneeniifis Birriin miiliyoonni 148.7 baasii ta’uu eeraniiru.

Baatiiwwan jahan darbanitti biirichi karoora isaa %123.3 galmeessuu eeruun Birrii miiliyoona 964 ol tajaajilaarra ooluu himaniiru.

Yoohannis Darriboowutu gabaase.

#Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.