Naannichatti namoonni kumni 182 fayyadamoo inshuraansii fayyaa hawaasaa ta’uu ibsame

Finfinnee, Guraandhala 10, 2015 (FBC)- Naannoo Harariitti namoonni Kumni dhibbi 1fi kumni 82 fayyadamoo inshuraansii fayyaa hawaasaa ta’uu Biiroon Eegumsa Fayyaa naannichaa beeksise.

Naannichatti sirni xumura Sosochii Inshuraansii Fayyaa Hawaasaa fi sirni beekamtii kennuu gaggeeffameera.

Naannichattii hanga ammaatti namoonni kumni dhibbi 1fi kumni 82 fayyadamoo tajaajila inshuraansii fayyaa ta’uu Hoogganaan Biiroo Eegumsa Fayyaa naannichaa Obbo Yaasin Abdullaahi himaniiru.

Bara kanas sosochii inshuraansii fayyaa hawaasaa taasifameen baatii Amajjii qofatti abbootiin warraa 170 miseensa inshuraansii fayyaa hawaasaa ta’uu ibsaniiru.

Sirnicharratti kan argaman Pireezidaantiin naannichaa Obbo Oordiin Badriin, naannichatti hawaasa fayya qabeessa horachuuf mootummaan naannichaa xiyyeeffannoon hojjechaa jiraachuu eeraniiru.

Hojii hawaasa baadiyyaafi magaalaa fayyadamaa tajaajilichaa taasisuuf hojjatamaa tureen bu’aa gaariin galmaa’uu himameera.

Nageessoo Kadirtu gabaase.

#Oromiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.