Balaa ibiddaa konkolaataa mudateen lubbuun namoota 4 darbe

Finfinnee, Amajjii 9, 2015 (FBC)-Daandii Saffisaa Finfinnee-Adaamaa, buufata kaffaltii ba’iinsa Adaamaatti balaa ibiddaa konkolaataa mudateen lubbuun namoota 4 darbeera.

Ogeessi Quunnamtii Ummataa Komishinii Hoggansa Sodaa Balaa fi Ibiddaa Magaalaa Finfinnee Obbo Nigaatuu Maammoo FBC’f akka ibsanitti, balichi kaleessa halkan sa’aatii 4:45 irratti kan mudate yoo ta’u qabeenyi Birrii miiliyoona 10’tti tilmaamuu barbadaa’eera.

Sababni balichaa konkolaataan FSR jedhamu Araqee fe’ee gara Adaamaatti imalaa ture, buufata kaffaltiirra yoo ga’u gubachuun, ibiddichi babal’achuun hojjettuu buufata kaffaltii 1 dabalatee lubbuun namootaa 4 yeroosuma balichaan darbuu ibsaniiru.

Namoota 4 irra ammoo miidhaan gubachuu kan qaqqabe yoo ta’u, balichaan konkolaattonni sadii gubataniiru jedhan.

Namootni miidhaman hospitaala Adaamaatti wal’aansi taasifamaafii jiraachuun Obbo Nigaatuun ibsaniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.