Magaalaa Finfinnee fi Shaashamanneetti haala kabaja Ayyaana Cuuphaa ilaalchisee qooda fudhattoota waliin mari’atame

Finfinnee, Amajjii 8, 2015 (FBC) – Bulchiinsa Magaalaa Finfinnee fi Shaashamanneetti haala kabaja Ayyaana Cuuphaa ilaalchisee Abbootii Amantaa fi qaamolee nageenyaa waliin mari’atameera.

Magaalaa Finfinneetti ayyaanni Cuuphaa duudhaa amantichaa eegee akka kabajamu jiraattoonni magaalichaa qooda isaanii akka ba’an marii taasiifamerratti gaafatameera.

Sadarkaa itti aanaa Kantibaatti hojii gaggeessaa olaanaan bulchiinsa magaalichaa Obbo Xiraatuu Bayyanaan jiraattoota, abbootii amantaa fi qaamolee nageenyaa waliin haala kabaja ayyaanichaarratti marii taasiisaniiru.

Ayyaanni Cuuphaa wayita kabajamu bifa namuusa qabuun akka kabjamu hordoftoota amantichaa dabalataan hordoftoonni amantaalee biroos tumsa barbaachisu akka taasiisan Obbo Xiraatuun gaafataniiru.

Bulchiinsa magaalaa Shaashamanneettis abbootii amantaa Ortodoksii,Islaamaa fi Pirooteestaantii waliin sirna kabaja ayyaana Cuuphaa bara 2015 haala milkeessuun danda’amurratti mariin gaggeeffameera.

Ayyaannicha wayita kabajamu hordoftootni kan rakkate nyaachisuu fi uffisuun kabajuu akka qaban abbootiin amantaa dhaamaniiru.

Magaalichatti ayyaanni cuuphaa karaa nagaan akka kabajamuuf qophiin xumuramuu ragaan Waajjira Kantibaa magaalaa Finfinnee fi Kominikeeshinii magaalaa Shaashamanneerraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.