Ayyaana Cuuphaa karaa nagaan kabajuuf hawaasa amantaa fi qaamolee nageenyaa waliin mariin gaggeeffame

Finfinnee, Amajjii 8, 2015 (FBC) – Ayyaana Cuuphaa sodaa nageenyaa tokko malee karaa nagaan kabajuuf hawaasa amantaa fi qaamolee nageenyaa waliin mariin gaggeeffameera.

Bulchiinsi Magaalaa Adaamaatti haala kabaja Ayyaana Cuuphaa milkeessuun danda’murratti abbootii amantichaa fi qaamolee nageenyaa waliin mari’ateera.

Qophii qulqullinaa fi nageenya magaalichaaf bulchiinsi magaalaa kan hojjetu ta’uu fi hordoftoonni karaa nagaa fi tasgabbii qabuun kadhannaa fi duudhaa amantichaatiin akka gaggeeffatu walii galameera.

Magaalaa Bishaan Gurraachaattis ayyaana Cuuphaa karaa nagaan kabajuuf Abbootii amantaa fi qaamolee Nageenyaa waliin mari’atameera.

Komishiniin Turizimii Oromiyaa fi bulchiinsi magaalaa Baatuu Ayyaana Cuuphaa bara kanaan karaa nagaan kabajuuf qaamolee dhimmi ilaallatu waliin qindoominaan hojjetamaa jiraachuu ragaan Waajjira Kominikeeshinii magaaloota kanneenirraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.