Naannoo Gambeellaatti giddugalli qindeessa qurxummii eebbifame

Amajjii 1, 2015(FBC)- Naannoo Gambeellaatti giddugalli qindeessaafi gurgurtaa qurxummii eebbifameera.

Giddugalichi qabeenya qurxummii naannichaa karaa ammayyaan misoomsuufi itti fayyadamuuf kan gargaaru ta’uu ibsameera.

Giddugalicha Ministirri Ministeera Innooveeshiniifi Teekinooloojii Dooktar Ballaxaa Mollaafi Pireezidaantiin naannichaa obbo Umood Ujuluun ifatti eebbisiisuun bananiiru.

Piroojektichi qaama karoora oomishaalea qonnaa teekinooloojiin deeggaruuniifi sona itti dabaluun  gabaa addunyaatti  dorgomaa taasisuu ta’uu Dooktar Ballaxaan kaasaniiru.

Piroojektichi oomisha qurxummii biyyattiin alaa galchitu hambisuun hanqina sharafa alaa kan furuu kan dandeessisu ta’uu ibsaniiru.

Pireezidaantiin naannichaa obbo Umood Ujuluun gamasaaniin, giddugalichi oomisha qurxummii gabaa biyya keessaafi alaaf dhiyeessuun hanqina oomisha qurxummii biyyattii kan hiiku ta’uu ibsuusaanii ragaan kominikeeshinii naannichaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.