Meeshaaleen nyaataa fi nyaataan alaa meetirik tooniin kumni 135 ol gara naannoo Tigraayitti ergamuu ibsame

Finfinnee, Mudde 27, 2015 (FBC) – Meeshaaleen nyaataa fi nyaataan alaa meetirik tooniin kumni 135 olii fi Boba’aan Liitirri kumni 879 ol gara naannoo Tigraayitti ergamuu Komishiniin Hoggansa Sodaa Balaa beeksiise.

Hanga ammaatti Birriin hojii raawwachiisuuf oolu biiliyoonni 1.1 ol gara naannichaatti ergamuus himeera.

Waliigaltee nageenyaa taasiifame hordofee deeggarsa namoomaa naannichaaf dhiyaatu cimee itti fufuu ibseera.

Boba’aan Liittirri kumni 879 fi 980 fi meeshaaleen nyaataa fi nyaataan alaa Meetirik Tooniin kumni 135 fi 487 gara naannichaatti ergamuu Daayrektarri Qunnamtii Ummataa komishinichaa Obbo Dabbabaa Zawdeen Faanaa Biroodkaastiing Korporeetiif himaniiru.

Konkolaattoonni kumni 3 fi 389 gara naannichaatti imaluu isaanii ibsaniiru.

Hanga Muddee 25, 2015tti balalliiwwan deeggarsa namoomaa 26 taasiifamus kaasaniiru.

Naannichatti lakkoofsi dhaabbilee deeggarsa namoomaa dhiyeessaniin 119 ga’uu isaanii dubbataniiru.

Malaakuu Gadiftu gabaase.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.