Godinichatti hanga ammaatti lafa hektaara kuma 31irratti sanyiin qamadii bonee faca’uu ibsame

Finfinnee, Mudde 25, 2015(FBC)- Godina Shawaa Kibba Lixaatti hanga ammaatti lafa hektaara kuma 31irratti sanyiin qamadii bonee faca’uu ibsame.

Jilli Ittaanaa Hogganaafi Itti gafatamaa damee qabenya uumamaafi wabii nyaataa Biiroo Qonnaa Oromiyaa Obbo Eeliyaas Kadiriin durfamu Godina Shawaa Kibba Lixaa aanaa Walisoo ganda Walluu Soomaatti facaasa qamadii eegalchiiseera.

Godinichatti lafa hektaara kuma 35 irratti qamadii Bonaan misoomsuuf karoorfamee  hanga ammaatti lafa hektaara kuma 31 irratti sanyiin faca’uu Itti gaafatamaan Waajjira Qonnaa Godinichaa Obbo Walabummaa Raggaasaa ibsaniiru.

Obbo Eeliyaas gamasaaniin, torban kana hojii facaasaa xumuruuf Biiroon Qonnaa caasaa sadarkaan jiru waliin qindoomina cimaan hojjechaa jiraachuu ibsuu ragaan Biiroo Qonnaa Oromiyaarraa argame ni mul’isa.

Hanga ammaatti lafti hektaarri miliyoona 1 fi kumni 60 ol qophaa’uun lafa hektaara kuma dhibba 9fi kuma 50 olirratti sanyiin  faca’uu eeraniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.