Ayyaanni Mawulidaa Magaalota Jimmaa, Harariifi Gondaritti kabajamaa jira

Finfinnee, Fulbaana 28, 2015(FBC)-  Ayyaanni Guyyaa dhalootaa Nabiyyuu Mahaammad 1497ffaan  Magaalota Jimmaa, Harariifi Gondaritti kabajamaa jira.

Magaalaa Jimmaatti Ayyaanni guyyaa dhalootaa Nabiyyuu Mahaammad 1497ffaan bifa ho’aa ta’een Madrasatul kayiriyyaa keessatti kabajamaa jira.

Imaamni masjiida Muniir sheeh Mahammad Abbaa Jahaad ergaa dabarsaniin, wayita ayyaanicha kabajnu  waldeeggaruun itti fufuu akka qabu dhaamaniiru.

Magaalaa Hararittis hordoftoonni amantaa musliimaa hedduun Nabiyyuu Mahaammadiin galateeffachaa ayyaana guyyaa dhaloota isaanii kabajaa jiru.

Jaalalaafi garaa laafummaa Nabiyyuu Mahaammad dhala namaaf qaban akkasumas obsa isaaniirraa dhaloonni ammaa barachuu akka qabu hordoftoonni amantichaa ayyaanicharratti hirmaatan ibsaniiru.

Bifuma walfakkaatuun Ayyaanni Mawulidaa magaalaa Gondaritti masjiida Jaamii Alkabiiritti kabajamaa jira.

Abdurehmaan Mahammad, Tashoomaa Hayiluu fi Eeliyaas Annimuutitu gabaase.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.