Magaalaa Dirree Dawaatti murtoon daballii kiraa manaa dhorku baatii 5’f dheereffame

Finfinnee, Fulbaana 27, 2015(FBC)- Magaalaa Dirree Dawaatti murtoon daballii kiraa manaafi kireeffattoota mana gadi lakkisiisuu dhorku baatii 5’f dheereffame.

Kaabineen magaalichaa walga’ii torbeesaan dhimmoota garaagaraarratti mari’achuun murtoo dabarseera.

Bulchiinsi magaalichaa baatii Waxabajjii 2014 irraa eegalee murtoo baatiiwwan 5’f gatii kiraa manaa dabaluus ta’ee kireeffattoota mana gadi lakkisiisuu dhorku dabarsuun isaa kan yaadatamudha.

Haaluma kanaan haala yeroo biyyattiifi qaala’iinsa jireenyaa ilaalcha keessa galchuun murtichi baatiiwwan shanan dhufaniif akka itti fufu kaabineen magaalichaa murteesseera.

Dabalataanis qajeelfama wabii walitti hidhamiinsa gabaa intarpiraayizootaafi karoora paabilik sarvisiifi misooma humna namaa dabalatee dhimmoota biroorratti mari’achuun murtoo dabarsuu ragaan kominikeeshinii magaalichaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.