Obbo Ristuu Yirdaaw maanguddoota Meeriijooy Ityoophiyaaf maaddii qoodan

Finfinnee, Fulbaana 14, 2015(FBC)- Pireezidaantiin naannoo Uummattoota Kibbaa Obbo Ristuu Yirdaaw Ayyaana Masqalaa sababeeffachuun maanguddoota giddugala maanguddootaa Meeriijooy Ityoophiyaa damee Hawaasaaf maaddii qoodan.

Maangoddoota deeggaruun qaamolee hundarraa kan eegamu ta’uu ibsaniiru.

Guddina biyyaaf gaheen maanguddootaa olaanaa ta’uu kaasuun, maanguddootarraa gaarummaa, walkabajuufi jaalala baranneerra jedhan.

Kanaaf abbootiifi haadholii keenya kunuunsuu qabna jedhaniiru.

Biyyi kan ijaaramtu walharkaa fuudhiinsa dhalootaan ta’uu eeruun, maanguddoota deeggaruun itti gaafatamummaa hawaasummaa ba’achuu qabna jedhan.

Naannichaatti Ayyaanni Masqalaa hordoftoota amantaa kiristaanaa biratti ayyaana amantaa, bakkeewwan tokko tokkotti ammoo Ayyaana jijjiirraa bara haaraa ta’uu ibsaniiru.

Maaddii qooduu dabalataan mootummaan naannichaa giddugala maanguddootaa kanaaf deeggarsa Birrii kuma dhibba 3 taasisuu ragaan kominikeeshinii naannichaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.