Waldaan Aksiyoona Geejjiba Baaburaa Ityoo- Jibuutii Cimuun sosochii diinagdee biyyoota lameenii saffisiisa jedhame

Finfinnee, Fulbaana 14, 2015(FBC)- Waldaan Aksiyoona Geejjiba Baaburaa Ityoo- Jibuutii Cimuun sosochii diinagdee biyyoota lameenii saffisiisa jedhan Ministirri Ministeera Maallaqaa Obbo Ahimad Shiideen.

Obbo Ahimad Shiideen walgahii boordii waldichaa magaalaa Dirree Dhawaatti gaggeeffamaa jirurratti argamuun haasawaa taasisaniin, waldichi cimuun sosochii daldalaa biyyoota lameenii kan cimsu ta’uu dubbataniiru.

Hojii waldichaa cimsanii itti fufsiisuuf karaa qindaa’aa ta’een hojjechuun barbaachisaa ta’uu eeruun, hojiileen gama nageenyaan hojjetamaa jiran cimuu akka qabu ibsaniiru.

Waltajjichaan raawwiin hojii dhaabbatichaa kan gamaaggamamuufi dhimmoota dhiyeessii anniisaa, nageenyaafi gurmaa’iinsarratti ni mari’atama jedhamee kan eegamu ta’uu TOI gabaaseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.