Ministeerichi Koorporeeshinii Bishaanii Kooriyaa Kibbaa waliin waliigaltee walta’iinsa mallatteesse

Finfinnee, Hagayya 23, 2014(FBC)- Ministeerri Bishaanii fi Inarjii, Koorporeeshinii Bishaanii Kooriyaa Kibbaa waliin waliigaltee walta’iinsaa mallatteesseera.

Waliigaltecha, Ministira Ministeerichaa Dooktar Habtaamuu Ittafaa fi Pireezidaantii fi Hoji Gaggeessaa Koorporeeshinii Bishaanii Kooriya Kibbaa Paarki Jooy kan mallatteessan.

Paarki Jooy sirna waliigalteechaarratti haasawaa taasisaniin, hariiroon Ityoophiyaa fi Kooriyaa hariiroo dhiigaan mallattaa’e ta’uu kaasuun, koorporeeshinichi mana hojii ministeerichaa waliin tumsaan hojjechuuf kutannoo qabaachuu ibsaniiru.

Dooktar Habtaamuu Ittafaa gama isaaniin, hariiroo gama lamee cimsuu fi dhaabbaticha waliin damee bishaanii fi inarjiitiin walitti dhiyeenyaan hojjechuuf fedhii jiru ibsaniiru.

Pireezidaantiin Koorporeeshinii Bishaanii Kooriyaa Kibbaa baatii Onkololessaa 2015 keessa Ityoophiyaa akka daawwatan kan eegamu ta’uu ministeerichi ifoomseera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.