Bishooftuutti giddugaalli ga’oomsa anniisaa Yuuroo miiliyoona 10 ijaaramuuf

Finfinnee, Hagayya 20, 2014 (FBC) – Giddugaalli ijaarsa dandeettii seektara anniisaa Yuuroo miiliyoona 10’n Magaalaa Bishooftuutti ijaaramuufi.

Pirojektii sagantaa Humna Elektirikii Ityoophiyaa ga’oomsuuf qophaa’erratti Ministeera Bishaanii fi Inarjiitti mari’atameera.

Pirojektichi humna raawwachiisummaa humna elektirikii Ityoophiyaa dorgomaa taasisuuf kan kaayyeffate ta’uu ibsameera.

Deetaan Ministiraa Damee Annisaa Ministeera Bishaanii fi Inarjii Dooktar Sulxaan Waalii akka ibsanitti, saganticha hojiirra oolchuuf tattaffii taasifamaa jiru dinqisiifachuun, manni hojichaas deeggarsa barbaachisaa akka taasisu mirkaneessaniiru.

Giddugalli ijaarsa dandeetti kunis damecha ga’oomsuu keessatti gumacha olaanaa akka qabaatu ibsan.

Giddu galichi deeggarsa faayinaansii Yuuroo miiliyoona 10 Eejensii Misoomaa Faransaayiirraa argameen kan ijaaramu ta’uu ragaan ministeericharraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.