Hojiileen balaa lolaa guutiinsa laga Awaashiin uumamuu danda’u hir’isan hojjetamaa jiru- Obbo Awwal Arbaa

Finfinnee, Hagayya 2, 2014(FBC)- Pirezidaantiin Naannoo Afaar Obbo Awwal Arbaan aanaa Asaayittaatti hojiilee balaa lolaa sababa guutiinsa laga Awaashiin uumamuu danda’u hir’isuuf hojjetamaa jiran daawwatan.

Lagni Awwaash waggaa waggaan humnaa ol guutuun hawaasa naannawaa yaa’ichaarratti balaa lolaa cimaa jiraattota, beelladootaafi qabeenyarra geessisaa turuu yaadachiisaniiru.

Ganna kana balaa lolaa guutiinsa lagichaa hordofee uumamu ittisuuf hojiin qophii duraa hojjetamuu eeraniiru.

Hawaasni naannawaa yaa’a lagichaatti argamus balaa lolaa uumamuu danda’u ittisuuf hojiilee hojjetamaa jiran irratti ga’ee isaa akka ba’atu yaadachiisaniiru.

Sagantaa daawwannicharratti Obbo Awwal Arbaa dabalatee hoggantoonni olaanoon naannichaa biroon argamuu ragaan Kominikeeshinii naannichaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.