Dhaabbileen daldalaa sibiilaa 7 taaksii dabalataa qabeenyaa fi gibira Birrii miiliyoona 638 ol milqsuu ibsame

Finfinnee, Adoollessa 1, 2014 (FBC) –  Dhaabbileen daldalaa sibiilaa 7 taaksii dabalataa qabeenyaa fi gibira Birrii miiliyoona dhibba 6 fi miiliyoona 38 ol milqsuu Poolisiin Federaalaa qorannoo taasiseen bira ga’uu ibse.

Poolisiin Federaalaa dhimmicharratti ibsa baaseen, gareen Shororkeessaa ABUT diinagdee biyyattiirra miidhaa guddaa geessisuufi kaayyoo badiisaa galmaan ga’uuf shira diinagdee garaagaraa diriirsuun hojjechaa turuu yaadachiiseera.

Oppireeshinii qindaa’aa poolisiin magaalaa Finfinnee fi magaalota Oromiyaatti gaggeesseen sibiilonni karaa seeraan alaa kuufamaniifi Birrii biiliyoonatti shallagaman to’annaa jala ooluun qorannoon qulqullaa’uu kanaan dura uummataaf ifoomsuun isaa kan yaadatamudha.

Bifuma walfakkaatuun tibbana dhaabbileen daldalaa sibiilaa torba taaksii dabalataa qabeenyaa fi gibira Birrii miiliyoona dhibba 6 fi miiliyoona 38 ol milqsuu ibsameera.

Dhaabbanni daldalaa kamiyyuu taaksii dabalataa qabeenyaa fi gibira miliqsuun diinagdee biyyaarratti dhiibbaa kan uumuu fi farra guddinaa ta’uu hubachuun taaksii fi gibira kaffaluun dirqama isaanii akka ba’an poolisiin yaadachiiseera.

Dhaabbilee fi namoota dhuunfaa taaksii fi gibira miliqsan irratti qorannoon taasifamu cimee kan itti fufu ta’uu  ragaan Poolisii Federaalaarraa argame ni mul’isa.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.