Xaa’oon kuntaalli kumni 500 buufata Jibuutii ga’uu ibsame

Finfinnee, Waxabajjii 18, 2014 (FBC) – Gosti Xaa’oo Yuuriyaa kuntaalli kumni 500 buufata Jibuutii ga’uu Korporeshiniin Hojiilee Qonnaa Ityoophiyaa ibse.

Bara oomishaa baranaaf xaa’oo yuuriyaa alarraa geejjibsiifamaa jiran keessaa kuntaalli miiliyoonni 1 fi kumni dhibbi 1 fi kumni 5 fi 244 yeroo dhiyootti buufata Jibuutii kan qaqqabu ta’uu eerameera.

Kan har’aa dabalatee xaa’oo yuuriyaan alarraa geejjibsiifamaa jiru kuntaala miiliyoona 3 fi kuma dhibba 8 fi kuma 95 fi 856tti guddachuu korporeeshinichi beeksiseera.

Bara oomishaa bara kanaaf xaa’oon yuuriyaa kuntaalli miiliyoonni 5 fi kumni dhibbi 1 fi 100 dhaabbata Fartiigiloob jedhamurraa bitamuu ragaan Korporeeshinicharraa argame ni mul’isa.

Oomisha bara kanaaf waliigalatti xaa’oo kuntaala miiliyoona 12 fi kuma dhibba 8 fi kuma 76 fi 623.5 bitame keessaa baatii Amajjii-Waxabajjii 18,2014tti xaa’oon kuntaalli miiliyoonni 11 fi kumni dhibbi 7 fi kumni 71 fi 376 buufata Jibuutii ga’uu fi kanneen kuntaalli miiliyoonni 10 fi kumni dhibbi 6 fi kumni 13 fi 534 gara biyyaatti imalchiifamuun qonnaan bulaaf dhiyaachaa jiraachuu eerameera.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.