Aadde Adaanach Abeebeen Kutaa Magaalaa Lidataatti ijaarsa  manneen 36 eegalchiisan

Finfinnee, Caamsaa 30, 2014 (FBC) – Kantiibaan Bulchiinsa Magaalaa Finfinnee Aadde Adaanach Abeebeen Kutaa Magaalaa Lidataatti ijaarsa suuqota 28 fi manneen jireenyaa 8 eegalchiisaniiru.

Suuqonnii fi manneen jireenyaa ijaaraman kunneen dargaggootaa fi kutaalee Hawaasaa harka qalleeyyii ta’an fayyadamoo kan  taasisan ta’uu ibsameera.

Ijaarsi manneen kanneenii baatii tokko keessatti kan xumuramu ta’uu fi baasiin isaa dhaabbata Garee Invastimantii Meedrookiin kan uwwifamu ta’uu eerameera.

Hojiilee misoomaa hojjetan cimsanii kan itti fufan ta’uu fi hojiilee hojjetaman irratti hirmaannaan abbootii qabeenyaa olaanaa ta’uu Kantiibaan Magaalaa Finfinnee Aadde Adaanach Abeebeen ibsuu ragaan Waajjira Kantiibaa magaalichaarraa argame ni mul’isa.

Lammiin hundi wal deeggaree kaayyoo tokkoof yoo hojjete sababni biyyattiin hin jijjiiramneef hin jirtu jedhaniiru.

Manneen kunneen baasii Birrii miiliyoona 10 oliin kan ijaaraman ta’uu ibsameera.

Fuula Feesbuukii keenyaan odeeffannoo waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.