Manni Murtii Aanaa Magaalaa Finfinnee waggaa tokkotti galmeewwan 100 oliif murtoo kenne

Finfinnee, Caamsaa 18, 2014 (FBC) – Godina Addaa Oromiyaa Naannawaa Finfinneetti Manni Murtii Aanaa Magaalaa Finfinnee waggaa tokko keessatti galmeewwan 100 oliif murtoo kennuu beeksise

Preezdantiin Mana Murtii Aanaa Magaalaa Finfinnee Obbo Beenyaa Hingabbuu, manni murtichaa waggaa tokko keessattis galmeewwaan yakkaa, hariiroo hawaasaa 103 ol irratti murtee kennuu isaa ibsaniiru.

Duraan dhimmoota Waajjiralee Mootummaa Naannoo Oromiyaa fi Interpiraayizoota Magaalaa Finfinnee walqabatan Manneen Murtii Naannoo Oromiyaa ilaaluuf aangoo kan hinqabne ta’uu yaadachiisanii, kana furuuf manni murtichaa hundaa’uu himaniiru.

Preezdaantiin Mana Murtii Olaanaa Godina Addaa Oromiyaa Naannawaa Finfinnee Obbo Kumalaa Buusaa gama isaaniin, fuuldurattis kutaalee magaalaa Finfinnee hunda keessatti babal’isuuf karoorfamuu dubbatan.

Bulchaan Godina Addaa Oromiyaa Naannawaa Finfinnee Obbo Girmaa Hayiluu Manni Murtii Magaalaa Finfinneetti hundaa’uun ummataa keenyaaf irkoo fi injifannoo guddaadha jedhan.

Manni Murtii Aanaa Magaalaa Finfinnee erga hundaa’ee waggaa tokko lakkoofsisuu ragaan Waajjira Dhimmoota Kominikeeshinii Godinicharraa argame ni mul’isa.Fuula Feesbuukii keenyaan dabalataa odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.