Ambaasaaddar Leencoo Baatiin Walitti qabaa Boordii Federeeshinii Mana Maree Daldalaa Saa’ud Arabiyaa waliin mari’atan

Finfinnee, Caamsaa 12, 2014 (FBC) – Ambaasaaddar Leencoo Baatiin Walitti qabaa Boordii Federeeshinii Mana Maree Daldalaa Saa’ud Arabiyaa Ajilaan Abdulaziiz waliin  haala daldalaa fi invastimantii babal’isuun danda’amurratti mari’ataniiru.

Marichaan tarsiimoowwan sosochii daldalaa fi diinagdee biyyoota lameen gidduu jiru cimsuu fi babal’isuu danda’an irratti mari’achuu eerameera.

Fooramii invastimantii fi daldalaa qopheessuun haala jilli daldalaa Saa’ud Arabiyaa gara Ityoophiyaa dhufuun daawwannaa taasisuu danda’an irrattis mari’achuu  ibsameera.

Walitti qabaan Boordii Federeeshinii Mana Maree Daldalaa Saa’ud Arabiyaa Ajilaan Abdulaziiz gamasaaniin, oomisha alaa guddaa Ityoophiyaan abbootii qabeenyaa fi gabaa Saa’ud Arabiyaaf dhiyeessitu kan hubatan ta’uu kaasaniiru.

Yeroo ammaa Fooramii daldalaa fi invastimantii magaalaa Riyaaditti qopheessuun barbaachisaa ta’uu kaasuun, tumsa diinagdee biyyoota lameenii babal’isuuf Saa’ud Arabiyaan deeggarsa kan taasistu ta’uu mirkaneessaniiru.

Waljijjiirraa daldalaa biyyoota lameen gidduutti taasifamu cimsuuf faayidaa Mana Maree Daldalaa waloo Ityoo- Saa’udii hundeessuun qaburratti gadi fageenyaan mari’achuu ragaan Ministeera Dhimma Alaarraa argame ni mul’isa.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.