Baatii Eebilaa galiin Birrii biiliyoonni 33.9 walitti qabame

Finfinnee, Caamsaa 4,  2014 (FBC) – Ministeerri Galiiwwanii baatii Eebilaa galii Birrii biiliyoonni 33.9 walitti qabuu beeksiseera.

Ministirri Ministeera Galiiwwanii obbo Laaqaa Ayyaaleew fuula miidiya hawaasa isaaniin akka ibsanitti, baatii Eebilaa galii Birrii biiliyoona 35.7 walitti qabuuf karoorfamee, galiin Birrii biiliyoonni 33.9 walitti qabamuu danda’eera jedhan.

Galichi kan argames taaksii biyya keessaa, qaraxaa fi taaksii daldalaa alaarraati jedhaniiru.

Galichi bara baajata darbeen walbira qabamee yoo ilaallamu, %31.9’n guddachuu ibsaniiru.

Obbo Laaqaan bu’aa kana galmeessuu kan danda’ame hoggantootaa fi hojjettoota Ministeera Galiiwwanii fi Komishinii Gumurikaa waliin tumsaan hojjechuun ta’uu eeraniiru.

Qaamolee bu’aa galmaa’erratti qooda ba’anis galateeffataniiru.

Fuula Feesbuukii keenyaan dabalataa odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.