Ityoophiyaa fi Jibuutiin tarminaal kuusaa boba’aa waliin misoomsuuf waliigaltee waliif mallatteessan

Finfinnee, Eebila 27, 2014 (FBC) – Ityoophiyaa fi Jibuutiin waliigaltee tarminaal kuusaa boba’aa waliin misoomsuuf isaan dandeessisu waliif mallatteessuu ibsame.

Terminaalichi naannawa buufataalee bilisaa Jibuutiitti kan misoomu ta’uu Imbaasiin Ityoophiyaa Jibuutiitti argamu beeksiseera.

Waliigaltichi misooma biyyoonni lameen damichaan gaggeessaniif haala mijataa kan uumu ta’uu fi carraawwan dabalataa ilaaluuf kan dandeessusu ta’uu ibsameera.

Biyyoonni lameen kanaan dura waliigalteewwan dameewwan garaagaraan waliin hojjechuu isaan dandeessisu waliif mallatteessuun isaanii ni yaadatama.

Baatii Amajjii darbe daandiiwwan qilleensaa biyyoota lameenii, Buufanni naannawaan bilisaa idil addunyaa Jibuutii fi Buufanni fe’umsaa Dooraaleen gama loojistikii galaanaa fi xiyyaaraan waliin hojjechuuf waliigaltee waliif mallatteessuun isaanii kan yaadatamudha.

Waliigaltichi naannawichatti walitti hidhamiinsa gama loojistikii xiyyaaraa, lafaa fi galaanaan jiru daran kan cimsuu ta’uu ibsameera.

Fuula Feesbuukii keenyaan dabalataa odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.