Magaalichatti Salaatni Iid Al Faxir jalqabee hanga xumuramutti daandiiwwan cufaman ifooman

Finfinnee, Eebila 23, 2014 (FBC) – Magaalaa Fiinfinneetti  Salaatni Iid Al Faxir jalqabee hanga xumuramutti daandiiwwan cufaman ifoomaniiru.

Ayyaanni Iid Al-Faxir 1443ffaan nagaan kabajamee akka xumuramuuf Humni Waloo Nageenyaa qophii barbaachisaa ta’e xumuruu ibseera.

Ayyaanichi nagaan kabajamee akka xumuramuuf humni walichaa qophii ga’aa taasisuun gara hojiitti galuu Komishiniin Poolisii magaalaa Finfinnee beeksiseera.

Oduu walfakkaatuun Salaatni Iid Al-Faxir guyyaa boruu kabajamu jalqabee hanga xumuramutti daandiiwwan magaalaa Finfinnee konkolaattotaaf cufaman ifoomeera.

Muddamni tiraafikaa akka hin uumamneef daandiiwwan armaan gadiitti eeraman guyyaa boruu konkolaattotaaf cufaa ta’uu Komishiniin Poolisii magaalaa Finfinnee yaadachiiseera.

1. Buufata Xiyyaaraa Booleerraa gama Galma Barkumeen gara Istaadiyeemii kan geessu Addabaabaayii Olompiyaarratti
2. Magganaanyaarraa gama Haayaahulettiin gara Addabaabaayii Masqalaa kan geessuu fi Boolee Madaanaalamiirraa gama Hoteela Atilaas gara Addabaabaayii Masqalaa kan geessu naannoo Bataskaana Uuraa’elitti
3. Araat Kiloorraa gara Addabaabaayii Masqalaa kan geessu Waldee Chiloot/ Ibsaa Paarlaamaarratti
4. Piyaassaarraa gara Addabaabaayii Masqalaa kan geessu Addabaabaayii Teewoodiroos irratti
5. Taklaayimaanotrraa gama Meetrooloojiin Istaadiyeemii kan geessu naannoo Meetrooloojiitti
6. Taklaayimaanot irraa gama Hospitaala Xuqur Anbassaan gara Istaadiyeemii kan geessu balbala Hospitaala Xuqur Anbassaa isa duubaarratti
7. Siniimaa Raasii gama Goollaa Mikaa’eliin gara Addabaabaayii Masqalaa kan geessu Goollaa Mikaa’eliirratti
8. Geejjaa Safar, Xeenaa Xibbaqaarraan gara mana Tiyaatira Biyyaalessaa kan geessu Goommaa Quxxabaarratti
9. Chilootii Baashaa Waldeerraa gama Gaaraajii Oormaan gara Masgiida Fil Wuhaa kan geessu naannoo Mana Maxxansaa Nigd irratti
10. Goofaarraa gama Bataskaana Qiddus Qiirqoosiin gara Lagahaar geessu naannoo Bataskaana Qiddus Qiirqoositti
11. Xoor Hayiloochii, Lidataa, Hospitaala Poolisiirraa gara Addabaabaayii Masqalaa Kan geessu Addabaabaayii Meeksiikoorratti
12. Saaris irraa gama Gootaraan Addabaabaayii Masqalaa kan geessu naannoo Araattenyaa Kifla xooriitti kan cufamu ta’uu ibsameera.

Fuula Feesbuukii keenyaan odeeffannoo waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.