Preezdaantoonni naannolee garaagaraa Ayyaana Iid Alfaxiir sababeeffachuun ergaa baga geessanii dabarsan

Finfinnee, Eebila 23, 2014 (FBC) – Preezdaantiin naannoo Hararii Obbo Oordiin Badirii, kan Gaambaallaa obbo Uumood Ujuluu fi mootummaan naannoo Amaaraa Ayyaana Iid Alfaxiir waggaa 1443ffaa sababeeffachuun ergaa baga geessanii dabarsaniiru.

Hawaasni musiliimaa ayyaana Iid-Alfaxiir yeroo kabaju duudhaa walgargaasaa fi waldanda’uu cimsuun ta’uu akka qabu Preezdaantiin naannoo Hararii obbo Oordiin Badirii ibsaniiru.

Waldeeggarsaa fi walgargaasa yeroo Sooma Ramadaanaa agarsiisaa turan akkasumaas bifa nageenyaa fi tokkummaa cimsuun ayyaanicha kabajuun barbaachisaa ta’uu eeraniiru.

Preezdaantiin naannoo Gaambaallaa obbo Uumood Ujuluunis ayyaanni Iid Alfaxiir 1443ffaan ayyaana jaalalaa, gammachuu fi nageenyaa akka ta’u hawwaniiru.

Mootummaan naannoo Amaaraas hordoftoota Amantaa Islaamaa fi ummata biyyattii maraaf ergaa baga geessanii dabarseera.

Fuula Feesbuukii keenyaan odeeffannoo waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.