Hojiilee riifoormii damee qonnaarratti mari’atame
Finfinnee, Amajjii 27, 2012 (FBC) – Qopheessummaa Waajjira Muummee Ministiraatin mariin “hojiilee riifoormii damee qonnaa” irratti xiyyeeffatu gaggeeffame.
Qooda fudhattoota damichaa hirmaachisuudhan, damee qonnaatif yaada maddisiisuun, galtee funaanuuf waltajjichi qophaa’uu Waajjirri Muummee Ministiraa ibseera.
Waltajjicharratti hayyoonni damichaa waraqaalee qorannaa dhiyeessuun mariin irratti taasifameera.
Ministeera Qonnaatii Dooktar Aantanah Girmaan mootummaan qooda fudhattoonni damichaa ga’eesaanii akka ta’pahatan hojjechaa jiraachuu eeraniiru.
Waltajjichi mijeessummaa gorsituu ministeerichaa aadde Laaqach Mikaa’eeliin, dhiyeessummaa speeshaaliistii fayyaa bineeldotaa Dooktar Warqinah Ayyaaleew, qorataan damee qonnaa Proofeesar Alamaayyahu Siyyuum, bakka buutuu Federeeshinii Hojiilee Qonnaa Oromiyaa aadde Askabbarach Balaaynahii fi hoji gaggeessaa Hooraayzoon Plaanteeshinii obbo Jamaal Ahimadiin gaggeeffameera.