Magaalaa Galaanitti Qonnaan Bultoota gara invastimantiitti ce’an 133’f beekamtiin kenname

Finfinnee,Gurraandhala 16, 2014 (FBC) – Bulchiinsa magaalaa Galaanitti qonnaan bultoonnii fi namoonni IMXn gurmaa’anii hojiilee adda addaarratti bobba’an gara investimentiitti ce’an.

Qonnaan bultoonni gara investimentiitti cehan 133 yoo ta’u  IMXn gurmaahanii gara investimentiitti kan cehan immoo 36 ta’uu isaanii bulchiinsa magaalaa Galaanitti itti gaafatamaan waajjira investimentii fi industirii bulchiinsa magaalaa Galaan obbo Badhaasaa Caalii himaniiru.

Qonnaan bultoonni qe’ee fi lafa isaaniirratti investera ta’u malee qe’eesaanii fi lafasaaniirraa hin kaafaman jedhan.

Qonnaan bultoonnii fi namoonni gara investimentiitti cehan tajaajila argachuuf guyyaa hedduu fixu har’a guyyaa tokkotti argatu jedhan.

Qonnaan bultoonni har’a beekamtiin kennamuuf kunneen kaappitaala Birrii miliyoona 1.5 ol warreen galmeessisan ta’uu ibsaniiru.

Warreen IMXn gurmaahan ammoo baajatni isaanii miliyoona 3 ol ta’uu isaa kaasaniiru.

Sirnicharratti Sirni walii galtee walii mallatteessuus ni gaggeeffama jedhan.

Qonnaan bultoonni abbaa qabeenya ta’uu qaba jedhamuu qofa osoo hin taane  qabatamaan agarsiiftaniittu jedhan kantiibaan magaalaa Galaan aadde Wayinisheet Gizaawuu saganticharratti argamuun haasaa taasisaniin.

Qonnaan bultoonni kaanis gara investimentiitti yoo ceetan deeggarsa isiniif taasifna jedhan.

Guyyaa har’aa oomishawwan indaastiriii garaagaraa hojjetamanii fi hojiirra jiranis  daw atamaniiru.

Kaffaaloo Shifarraatu gabaase

Ityoophiyaa :- Haa Misoomsinu, Haa Ijaarru, Haa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.