Godina Shawaa Kaabaa magaalaa Axaayyeetti balaa tiraafikaa qaqqabeen lubbuun namoota 5 darbe

Finfinnee, Amajjii 17, 2014 (FBC)- Godina Shawaa Kaabaa magaalaa Axaayyeetti balaa tiraafikaa qaqqabeen lubbuun namoota 5 darbeera.

Halkan Waaldiyaarraa gara Finfinnee namoota 22 fe’ee imalaa kan turee konkolaataan deddeebisaan uummataa Minibaasiin magaalaa Axaayyee wayita ga’uu konkolaataa fe’umsaa Azuz bakka isaa dhaabbatee tureen walitti bu’uudha kan ibsame.

Itti gaafatamaan qajeelcha poolisii miidiyaa fi kominikeeshinii godinicha Komaandar Tesfaayee Gizaachaaw akka ibsaniitti, balichaan lubbuun namoota 5 battalumaa wayita darbu namoota 12 irra miidhaa cimaa fi 5 ammoo miidhaa salphaan qaqqabeera jedhan.

Balaa qaqqabee keesaa kan turan daa’imman 6 irra balaa kamiyyuu irraa hin geenyee jedhaniiru.

Ka’umsi balichaa qoratamaa jiraatuus, tarii hamma ol fe’uu fi aariitii ta’uu danda’aa jedhaniiru komaandaar Tesfaayeen.

Alaayyoo Garramuutu gabaase

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.