Ministeerri Albuudaa Biirolee Albuudaa naannolee waliin raawwii hojii baatiiwwan 6 darbanii gamaggame

Finfinnee, Amajjii 7, 2014 (FBC) – Ministeerri Albuudaa Biirolee Albuudaa naannolee waliin raawwii hojii damechaa baatiiwwan 6 darbanii gamaggameera.

Gamaggamichaan albuuda garaagaraa faayidaarra oolchuuf hojiileen hojjetaman gamaggamamuu Ministirri Ministeera Albuudaa Injinar Taakkalaa Uumaa gama miidiyaa hawaasummaa isaaniin ibsaniiru.

Hojiilen gama albuuda warqeen hojjetamaa jiru jajjabeessaa ta’uu kaasaniiru.

Oomishtoota warqee karaa aadaa warqee baasan deeggaruun hojiilee oomisha warqee dabaluuf dandeessisan hojjechuuf waliigalteerra ga’amuu ibsaniiru.

Naannoo Amaaraa waraana keessa ture gama albuudaan humna isaa guutuun gara hojiitti akka galuuf sochiin kan taasifamu ta’uu beksisaniiru.

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.