Komishinichi sosochii walitti bu’iinsa hiikuu fi tasgabbeessuu eegaluu ibse

Finfinnee, Amajjii 7, 2014 (FBC) – Komishiniin Araaraa fi Nageenyaa sosochii walitti bu’iinsa hiikuu fi tasgabbeessuu eegaluu ibse.

Komishinichi waggoottan sadan darbanitti walitti bu’iinsa furuuf, sarbama mirgoota namoomaa qulqulleessuuf, hojiilee waliin jireenya uummataa jabeessan hojjechuu fi waliigaltee biyyaalessaa uumuuf  hojiilee haal duree hojjechaa turuu eereera.

Komishinichi sochiilee waggoottan sadan darbanitti taasisaa ture ilaalchisee ibsa laateera.

Ibsa isaatiin dhaabbilee mootummaa fi miti mootummaa waliin ta’uun hanga naannoleetti waajjiraalee banuun hojiilee walitti bu’iinsa hiikuu fi tasgabbeessuu eegaluu ibseera.

Hojichi Ityoophiyaaf haaraa ta’uu kaasuun, namoota siyaasaa, gaazexeessitoota, ogeessota aartii fi kutaalee hawaasaa biro waliin ta’uun nageenyaa fi araararratti hojii hubannoo uumuu hojjechaa turuu ibseera.

Rakkoolee waggoota sadan keessatti isa mudate tooftaalee garaagaraa fayyadamuunii fi qaamolee dhimmi isaa ilaallatu waliin ta’uun furuu ibseera.

Fuuldurattis barri hojii isaa dheereffamee fi hanqinoonni gama seeraan jiran furamaniifii hojiisaa haala fooyyee qabuun akka hojjetuuf deeggarsi barbaachisaan akka taasifamuufiif uummataa fi mootummaaf waamicha dhiyeessuu  EBCn gabaaseera.

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.