Ityoophiyaanonni biyyoota garaagaraa jiraatan lammiilee miidhamaniif deeggarsa taasisan

Finfinnee, Muddee 27, 2014 (FBC)- Ityoophiyaanonnii fi michuuwwan Ityoophiyaa biyyoota garaagaraa jiraatan lammiilee miidhamaniif deeggarsa taasisan.

Ityoophiyaanonnii fi dhalattoonni Ityoophiyaa Xaaliyaanii magaalaa Peeruujiiyaa jiraatan yeroo 2ffaaf lammiilee gocha garee shororkeessaa ABUTiin qe’ee fi qabeenya isaaniirraa buqqa’aniif deeggarsa Yuuroo kuma 6 ol taasisuu ibsameera.

Xaaliyaaniitti Ambaasaaddarri Ityoophiyaa Ambaasaaddar Dammituu Hambisaan qaamolee deeggarsa taasisan galateeffataniiru.

Ityoophiyaan rakkoo ishee mudate hanga ceetutti deeggarsi taasisan cimee kan itti fufu ta’uu Ityoophiyaanonnii fi dhalattoonni Ityoophiyaa ibsaniiru.

Bifuma walfakkaatuun Ityoophiyaanonnii fi dhalattoonni Ityoophiyaa Dubaayii fi kaaba Eemereetotaa jiraatan lammiilee miidhamanii fi bu’uuraalee misoomaa barbadaa’an deebisanii dhaabuuf Diraamii kuma 20 fi 800 lakkoofsa herregaa deeggarsa kanaaf banamerratti galii taasisuu ragaan Waajjira Dubbi Himaa Ministeera Dhimma Alaarraa argame ni mul’isa.

Ityoophiyaa :- Misoomsuuf, Ijaaruuf, Yaa qophoofnu!!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.