Waraana booda tokkummaa argame eegsiisuun injfannoo caalmaaf waloon hojjechuu qabna – Aadde Adaanach

Kaantibaan Magaalaa Finfinnee Aadde Adaanach Abeebee fi Mana Maree Magaalaa Finfinneetti waamamaa olaanaan mootummaa obbo Mallas Alamuun injifannoo argame itti fufsiisuun haala Badhaadhina dhuguumsuun danda’amurratti dubartoota magaalaa Finfinnee waliin mari’ataniiru.

Weerara gareen shororkeessaa ABUT biyya diiguuf bane Ityoophiyaanoonni hundi tokkummaan duuluun injifannoo waloo galmeessuu Aadde Adaanach ibsaniiru.

Tokkummaan yoo dhaabbanne humna kamiiyyuu injifachuu akka dandeenyu seenaa Adwaa qofaan kan hin daangofne ta’uu Ityoophiyaanoonni har’as mirkaneessaniiru jedhan.

Waraana booda tokkummaa argame eegsiisuun injfannoo caalmaaf waloon hojjechuu qabna jechuun dhaamaniiru.

Ityoophiyaa baraaruuf hundi wareegama kaffaluu qabu kaffaluuf murteessuu isaaniin dhiibbaa hedduu dandamachun injifannoo biroof waloon dhaabbanneerra jedhan Mana Maree Magaalaa Finfinneetti waamamaa olaanaan mootummaa obbo Mallas Alamuun.

Ammas hoggansii fi uummanni qindaa’uun hojiilee hojjetamuu qaban kan yeroo kamiiyyuu caalaa raawwaachuu akka qaban hubachiisaniiru.

Hoggansii namuusaa gaarii fi Jaalala biyyaan deeggarsa ummataa eegalame badhaadhina Finfinnee fi Ityoophiyaa dhugoomsuuf cimanii kan hojjetan ta’uu mirkaneessuu isaanii ragaan Waajjira Paartii Badhaadhinaa magaalaa Finfinneerraa argame ni muul’isa.

Ityoophiyaa :- Misoomsuuf, Ijaaruuf, Yaa qophoofnu!!!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.