Godina Qellem Wallaggaatti miseensoonni Shanee meeshaalee saamaan waliin to’annaa jala oolan

Finfinnee, Muddee 11, 2014 (FBC)- Godina Qellem Wallaggaa Aanaalee Anfilloo fi Gaawoo Qeebbeetti miseensoonni Shanee meeshaalee saamaan waliin to’annaa jala ooluu ibsameera.

Godina Qellem Wallaggaatti rakkoo gareen shororkeessaa shanee hawaasa irraan ga’u hambisuudhaaf qaamoleen nageenyaa fi hawaasni ooppereeshinii aanaalee Anfilloo fi Gaawoo Qeebbeetti gaggeessaniin miseensonni Shanee hedduun to’ataman.

Qabeenya isaan saamaa turan keessaa bunni kuntaalli 56, Qawwee gosa adda addaa 16 fi meeshaaleen biroo garichi itti fayyadamaa tures to’atamuu ibsameera.

Miseensonni garee shanee to’ataman garichi uummata saamuu fi dararuu irratti hirmaachaa jira waan ta’eef miseensonni isaanii bosonatti hafan kan biroonis harka akka kennatan dhaamaniiru.

Aanaalee Anfilloo fi Gaawoo Qeebbeetti nageenya waaraa fiduudhaaf qaamoleen nageenyaa fi hawaasni hojii qindoominaan hojjechaa jiran cimsanii itti fufuu akka qaban Itti gaafatamaan Waajjira Poolisii Aanaa Anfilloo Saajin Takkaaliny Baaruu fi Itti gaafatamaan waajjira Poolisii Aanaa Gaawoo Qeebbee Saajin Olaanaa Tasfaayee Ashannaafii himuu ragaan Biiroo Dhimmoota Komikeeshinii Mootummaa Naannoo Oromiyaarra argamee ni muul’dhisa.

Naannoo keessan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.