Qormaanni yeroo ammaa Ityoophiyaa mudate seena ishee keessatti isa addaati – Aadde Adaanech Abeebee

Finfinnee, Sadaasa 16, 2014 (FBC)-  Qormaanni yeroo ammaa Ityoophiyaa mudate seena ishee keessatti isa addaa ta’uu kantiibaan Magaalaa Finfinnee aadde Adaanech Abeebee ibsan.

Yaa’iin dhaabbilee amantaa magaalaa Finfinnee fi Biiroon bulchiinsaa fi nageenyaa magaalaa Finfinnee haala yeroo biyyaalessaarratti mari’ataniiru.

Maricharratti argamuun kantiibaan Magaalaa Finfinnee aadde Adaanech Abeebeen haasaa baniinsaa taasisaniiru.

Qormaanni yeroo ammaa Ityoophiyaa mudate seena ishee keessatti isa addaa ta’uu haasaa isaaniin kaasaniiru.

Ijoollee ishee baandaa ta’anii fi diinonni alaa waliin ta’uun Ityoophiyaa waraanaa jiraachuun qormaaticha rakkisaa taasisuu ibsaniiru.

Ofirrummaan garee shororkeessaa ABUT duudhaalee babbareedoo jaarsummaa fi dhiifamaa bakka dhowwachuun gara waraanaatti akka seennu nu taasise jedhan.

Ityoophiyaa balaa birmadummaa keessa seente keessaa baasuuf hirmaannaa hundaa kan barbaachisu ta’uu ibsaniiru.

Ityoophiyaaf wareegama kaffaluun nurra jiru hunda kaffaluutu nurraa eegama jedhan.

Ityoophiyaa baraaruun dirqama ta’uu fi abbootiin amantaas kadhannaan akkasumas wanta danda’an hundaan deeggarsa taasisuun ga’ee isaanii akka ba’atan yaadachiisaniiru.

Naannoo keessan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna