OBN raayyaa ittisa biyyaa fi lammiilee buqqa’aaniif deeggarsa Birrii miiliyoona 2 ol taasise

Finfinnee, Sadaasa 10, 2014 (FBC) – OBN raayyaa ittisa biyyaa adda waraanaa Wallootti argamanii fi lammiilee buqqa’aaniif deeggarsa Birrii miiliyoona 2 olitti  tilmaamam horii qalmaa fi nyaata taasiseera.

Lammiilee sababa waraanaatin qe’ee fi qabeenyaasaaniirra buqqa’aaniif Qamadii kuntaala 400 kan arjoomee yoo ta’u, raayyaa ittisa biyyaaf ammoo sangoota 15 laateera.

Deeggarsicha Uummata Affariif kan qaqqabsiisaan daayrektarri olaanaa OBN gaazexeessaa Zinaabuu Asraat, OBN sagalee uummata ta’ee tajaajiluun cinaatti, uummata rakkate gargaaruufis waan qabu hin qusatu jedhan.

Yeroo itti aanuuttis dhaabbatichi odeeffannoo sirrii hawaasa biraan ga’uu, yeroo deeggarsa taasisuu qabutti deeggarsa taasisuu kan itti fufuu ta’uu gaazexeessaa Zinaabuu Asraat himaniiru.

Itti gaafatamaan waajjira kominikeeshinii mootummaa naannoo Affaar obbo Ahimad Kaaloo’iitaa, OBN deeggarsa taasiseef maqaa uummataa fi mootummaa naannichaatin galateeffachuu OBN gabaasera.

Naannoo keessaan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna