Namoonni meeshaa waraanaa qaban kan hin galmeessisne guyyaa lama keessatti akka galmeessan gaafatame

Finfinnee, Onkololeessa 23, 2014 (FBC)- Finfinnee keessatti qaamoleen meeshaa waraanaa qabaniifi kan hin galmeessiin guyyaa lama keessatti akka galmeessisan Hogganaan Biiiroo bulchinsaafi nageenya Magaalaa Finfinnee Dooktar Qana’aa Yaadataa hubachiisan.

Hogganaan biirichaa haala nageenya yeroo ilaalchisee ibsa kennaniiru.

Jiraattoonni Finfinnee qe’eesaaniin walgurmeessanii naannoosaanii akka eeggataniif eeyyamamuusaa himaniiru.

Caasaan gurma’insaas qaamolee nageenyaa waliin ta’uun naannoosaa to’achuu akka qabuus dubbatan.

Magaalaan Finfinnee nagaa taatus qaamoleen burjaajii uuman to’atamaa jirus jedhaniiru.

Miseensonni Raayyaa ittisaa fi poolisii, bulchiinsaa fi nageenya Godina addaa Oromiyaa Nannawaa Finfinnee waliin ta’uun hojjechaa jiraachuus ibsaniiru.

Meeshaa waraanaa ilaalchisee seera qabeessa kan ta’eefi kan hin galmeessiin guyya lama keessatti hubachiisuu qabus jedhaniiru.

Qaamoleen meeshaa waraanaa qabaatanii naannoosaanii eegu kan hin dandeenye yoo ta’e ,nama dhiyoo yookiin mootummaaf imaanan kennanii akka ittin eegu ni taasifama jedhaniiru.

Nageenya Finfinnee kabachiisuuf hojiin sakatta’insaa manneen garagaraa fi daldalaatti kan taasifamu ta’uu himuun,kanaafis hawaasni gargaarsa akka taasisuuf waamicha dhiyyeessaniiru.

Maddi:-TOI

Naannoo keessaan eegaa!

Gara adda waraanaatti duulaa!

Raayyaa Ittisa Biyyaa deeggaraa!

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii

https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.