Diyaaspooraarraa Ijaarsa hidha Haaromsaa Birrii biiliyoonni 1.2 galiin argamuu ibsame
Finfinnee, Fulbaana 5, 2014 (FBC) – Waggoottaan 10 darbanitti ijaarsa Hidha Haaromsaaf Diyaaspooraarraa galiin Birriin biiliyoonni 1 fi miiliyoonni dhibbi 2 fi miiliyoonni 63 ol argamuu Waajjirri Mana Maree Qindeessaa Hirmaannaa Ummataa Hidha Haaromsaa beeksiise.
Waggoota 10 darbaniif hanga Hagayyaa 30, 2013tti lammiileen Ityoophiyaa biyya keessaa fi Alaa Ijaarsa Hidha Haaromsaaf Birrii biiliyoona 15 fi miiliyoona dhibba 9 fi miiliyoona 31tti hiiquu Kennaa, Bittaa Boondii fi deeggarsan laachuu isaanii himameera.
Birriin biiliyoonni 14 fi miiliyoonni dhibbi 2 fi miiliyoonni 58 bittaa boondii fi kennaa irraa kan argame yoo ta’u, miiliyoonni dhibbi 4 fi miiliyoonni 9 ammoo galii adda addaarraa walitti kan qabame ta’uu Waajjirichi ibseera.
Lammiileen Ityoophiyaa fi dhalootaan Ityoophiyaa biyya alaa jiraatan fedhii isaaniin Birrii biiliyoona 1 fi miiliyoonni dhibbi 2 fi miiliyoonni 63 ol ijaarsa hidhichaaf arjoomuu himameera.
Adoolessa 1 hanga Hagayyaa 30, 2013tti qofa bittaa boondii fi kennaa biyya keessaa fi alaarraa Birrii miiliyoonni dhibbi 2 fi miiliyoonni 1 argamuu ibseera.
Maddi:-TOI
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.