Shakkamaan karaa seeraan alaa tajaajila yaala vaayrasii koroonaa laatee to’annaa jala oole

Finfinnee, Qaammee 5, 2013 (FBC)- Kutaa magaalaa Booleetti karaa seeraan alaa eeyyama yaala osoo hin qabaatin shakkamaan tajaajilaa yaala vaayrasii koroonaa laatee to’annaa jala ooluu Poolisiin magaalaa Finfinnee ibseera.

Shakkamaan kun to’annaa jala kan oolee Kutaa magaalaa Boolee aanaa 2 Imbaasii Jaappaan itti ta’uu ibsameera.

Shakkamichi eyyamaa yaala osoo hin qabaatin kiliinikaa banuun yaala vaayrasii koroonaa namootaa garagaraatiif laachaa wayita tureettidha to’annaa jala kan oolee.

Ogeeyyiin abbaa taayitaa qorichaa kutaa magaalichaa poolisii naannoo Buufataa Xiyyaaraa Booleetti argamuu waliin sakattoo taasisaniin to’annaa jala ooluu ibsameera.

Kutaa magaalichaatti itti gaafatamaan to’annoo nyaata fi qorichaa aanaa 2 obbo Tasfaayee Xoonaa, namni dhuunfaa kun eeyyamaa yaala tokkollee osoo hin qabaatin kakka’umsaa ofiisaan giddugalaa yaala baneen lammiilee biyyaa alaa dabalatee kanneen biroof tajaajilaa laachaa akka ture ibsameera.

Kilinikaachaa keessaatti qorichoonni hedduun kan argamuu ta’u ibsamuun, qorannoo taasifamaa jiraachuu ibsameera.

Hawaasnis dhaabbilee fayyaa seeraa qabeessaa ta’aanii fi taanee addaa baasuu akka qaban ibsamuu ragaan komishinii poolisii magaalaa Finfinneerra argamee ni muul’dhisa.

Feesbuuki keenyan dabalata odeeffannoo waqtaawaa argachuuf; :-www.fanabc.com

Yuutyuubhttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.