Godina Jimmaatti proojektoonni fayyaa ijaaramaa turan xumuraman

Finfinnee, Qaammee 4, 2013 (FBC) – Godina Jimmaatti proojektootni fayyaa Birrii miiliyoona dhibba 1 fi miiliyoona 70 oliin ijaaramaa turan xumuramaniiru.

Godinichatti proojektoota fayyaa ijaaramaa jiran keessaa proojektoonni 38 xumuramusaanii himameera.

Proojektoonni xumuraman Hospitaala, Buufataalee fayyaa, Keellaawwan fayyaa, manneen jireenya ogeeyyii yaalaa fi bishaanii ta’uu Waajirri Eegumsa Fayyaa godinichaa beeksiseera.

Itti gaafatamaan waajirichaa obbo Yasuuf Shaaroon Faanaa Brodkaastiing Korporeettitti akka himanitti hospitaalaan ala proojektoonni kaan dargaggoota waldaan gurmaahaniin kan ijaaramaniidha.

Ijaarsa proojektoota kanaafi Birrii miliyoonni dhibbi 1 fi miiliyoona 70 fi kumni dhibbi 3fi kumni 61 bahii ta’uu himaniiru.

Godina Jimmaatti waligala bufataaleen fayyaa 129, Hospitaalli 7 fi keellaawwan fayyaa 519 tajaajila fayyaa hawaasa naannichaaf kennaa jiru jedhan.

Muktaar Xahaatu gabaase.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.