Koolleejjiin Seenaaboor  kaampaasii Shaashamannee barattoota kuma 1 fi 64 barsiisaa ture eebbisiise

Finfinnee, Hagayya 22, 2013(FBC)- Koolleejjiin Seenaaboor  kaampaasii Shaashamannee barattoota kuma 1 fi 64 barsiisaa ture eebbisiiseera.

Barattoonini kan eebbifaman  sagantaa BLTO  leenjii ogummaa fi teeknikaatiin.

Barattootaa eebbifaman keessaa  barattoonni 376 dubartoota.

Koolleejjichi erga Magaalaa Shaashamanneetti hundaa’ee  barattoota ogummaa garagaraan  leenjisee ebbisiisuun kun isa jalqabaa ta’uudha kan ibsame.

Eebbiifamtootni ogummaa eebbifamaniin  osoo hojii hin tufannee karaa haqa qabeessaan hawaasa akka tajaajiilan  Diiniin Koolleejjii Seenaaboor  Obbo Marrataa  Abarraa  hubachiisanii jiru.

Barattootni eebbifaman kunniin ogummaan leenji’an isa jalaqabaa ta’uu hubataanii kana boodas ogummaa isaanii guddifachuu  akka qabani kan dubbatan.

Barnootni hundee guddinaa ta’uu isaatiin koolleejjiin Seenaaboor barattoota ogummaan gahoomsee leenjisuun seenaa gaarii hojjechuu irratti akka argamu  abbaan qabeenyaa koolleejjichaa Obbo Yuusuf Adeem dubbatanii jiru.

Barattoonni eebbifaman ogummaa argataniin hojii hojjatan keessatti akkaan dorgomaa ta’anii  bahuusaaniitiin beekumsa gonfatan fayyadamanii carraa hojii motummaa qofa eeggachuu osoo hin  taane ogummaa isaaniitiin gara hojiitti galuun   namoota birootiifis carraa hojii uumuu akka qabanis  Obbo Yuusuf Adeem  dhamaniru.

Koolleejjichi yeroo itti aanuu ogummaa  biyyattii jijjiiruu danda’aniif digrii fi maastarsiin barsiisuuf qophii kan xumure ta’uus dubbataniiru.

Koolleejichi Barattoota 10 bilisaan barsiisuun akka eebbisiises ibsameera.

Lammaa Tasfayeetuu gabaase

Feesbuukii keenyan dabalata odeeffannoo waqtaawaa argachuuf; :-www.fanabc.com

Yuutyuubhttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.