Daandiin Qarree Gohaa Goojjam geessu galgala kanaa eegalee tajaajilaaf banaa ta’e

Finfinnee, Hagayya 13, 2013 (FBC) – Sababa sigiga lafaa muudateen cufamee kan ture Daandiin Qarree Gohaa Goojjam geessu galgala kanaa eegalee tajaajilaa Geejjibaaf banaa ta’uu ibsameera.

Abbaan Taayitaa Daandiwwan Ityoophiyaa Daandii ba’umsa Salaaleen Goojjam geessu sababa sigiga dhagaan aanaa Warra Jaarsoo iddoo addaa Filiqlitti jedhamutti cufamee ture tajaajilaaf banaa taasiisuuf xiyyeeffannoo olaanaan hojjechaa tureera.

Haaluma kanaan galgala kanaa eegalee karaa harka bitaan yeroo tokkotti konkolaataa tokko keessummeessuu eegaleera.

Abbaan Taayitichaa Daandichi tajaajila Geejjibaa guutuu akka laatuuf yeroo hojiin hojjetamu cufaa banaa hojiilee hafan kan xumuru ta’uu hubachiiseera.

Konkolaattoon gurguddoon hedduun kallattii lamaan magaaloota keessa dhaabbatan kanneen imala hin eeggalle guyyaa boruu osoo socho’uu baatanii kan filatamu ta’uu ibseera.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.