Lammiilee Saa’ud Arabiyaarraa deebi’an deebisanii ijaaruuf qindoominaan hojjetamaa jiraachuu ibsameera

Finfinnee, Waxabajjii 24, 2013 (FBC) – Lammiilee Saa’ud Arabiyaarraa deebi’an deebisanii ijaaruuf dhaabbileen mootummaa fi miti mootummaa qindoominaan hojjechaa jiraachuu ibsameera.

Baqattoota yeroo dhiyoo Saa’ud Arabiyaarraa gara biyyaa deebi’an ariitiin deebisaanii ijaaruuf hojiin qindoomina qabu hojjetamaa jiraachuu Komishinarri Komishinii Carraa Hojii Uumuu fi Wabii Nyaataa obbo Niguusuu Xilahuun ibsaniiru

Lammiilee yeroo ammaa Saa’ud Arabiyaarraa deebi’aa jiraniif furmaata ariifachiisaa laachuuf karoorri addaa qophaa’ee hojiitti hiikkamaa jiraachuu obbo Niguusuun eeraniiru.

Komishinichi lammiilee kanneen dhaabuuf dhaabbilee mootummaa fi miti mootummaa waliin qindoominaan hojjetaa jiraachuu dubbataniiru.

Dhaabbilee mootummaa Federaalaa hanga naannootti jiranitti caasaa diriirsuun sochiin eegalamuu himaniiru.

Maddi:- TOI

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.