Komiishinichi Oromiyaatti filannoon gaggeeffame nagaan xumuramuu isaaf qaamolee tumsa taasisaan galateeffate

Finfinnee, Waxabajjii 15, 2013 (FBC)- Komishiniin Poolisii Oromiyaa naannichaatti guyyaa kaleessaa filannoon biyyoolessaa marsaa 6ffa gaggeeffame nagaan xumuramuu isaaf hawaasaa fi qaamolee nageenyaa tumsa taasisaan galateeffateera.

Komishiinarri Jeneraalaa Komishiinii  Poolisii Oromiyaa Araarsaa Mardaasaan ibsa Miidiyaaleef kennaniin filannochi yeroo Ityoophiyaan ce’umsa keessa jirtutti waan gaggeeffameef seena qabeessa jedhan.

Hawaasni fedhii isaatiin bahee nama isaaf malu karaa nagaatiin filatee deebi’uun isaa hawaasni nageenyaaf Shoora inni qabu guddaa tahuu mullisas  jedhaniiru.

Naannoo Oromiyaa Godinaalee tokko tokkotti Adeemsi filannoo akka gufatuuf qaamoleen yaalii taasisaa turan jiraatanis tumsa dargaggoonnii fi hawaasni bal’aan taasiseen filannochi rakkoo nageenyaa tokko malee xumuramuudha Komiishinar Araarsaan kan dubbatan.

Nageenya naannoo fi biyyaa kabachiisuudhaaf qaamolee nageenyaafi hawaasa bal’aa Naannoo Oromiyaa galateeffataniiru.

Yaaddessaa Geetaachootu gabaase

Feesbuukii keenyan dabalata odeeffannoo waqtaawaa argachuuf; :-www.fanabc.com

Yuutyuubhttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.