Gatiin oomishaalee nyaataa addunyaarraatti waggoota 10 as daballii olaanaa agarsiise
Finfinnee, Caamsaa 27, 2013 (FBC) – Dhaabbanni Sagantaa Nyaataa fi Qonnaa Addunyaa gatiin oomishaalee nyaataa addunyaarraatti waggoota 10 as daballii olaanaa agarsiisuu beeksiise.
Bara Faranjootaa 2010/2011 as yeroo jalqabaaf gatiin Shaqaxoota addunyaa sadarkaa olaanaan dabaluu dhaabbatichi ibsa baaseen himeera.
Keessattuu oomishaalee bu’uuraa kanneen akka midhaan nyaataa, Bu’aawwan Aannanii, Midhaan Zayitaa, Foonii fi Sukkaarrarratti daballiin gatii muul’ate daraan olaanaa ta’uu beeksiseera.
Haaluma kanaan baatii Caamsaa keessaa oomishaaleen nyaataa % 39.7 daballii gatii agarsiisuu himeera.
Kunis Bara Faranjootaa 2010 as isa olaanaa akka ta’e eereera.
Weerara Covid -19 walqabatee dhorkamniwwan kaa’amaan daballii gatii kanaaf sababa ta’uu dhaabbatichi ibseera.
Ogeeyyiin diinagdee ammoo hanqinni dhiyeessii fi fedhiin haalaan dabalaa jiru caalmaatti qaala’iinsa gatii kana guddisuu akka danda’u hubachiisaniiru.
Maddi:-BBC
Fuula Feesbuukii keenyan dabalata odeeffannoo Waqtaawaa argachuuf; :-www.fanabc.com
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.