Fiixeen Mindaa jijjiirraa taphattootaaf daangeeffamee ture akka ka’u murtaa’e

Finfinnee, Caamsaa 22, 2013 (FBC) – Waldaan Aksiyoonii Priimeyar Liigii Ityoophiyaa fiixeen jijjiirraa taphattoota kilaboota liigichaa Birrii kuma 50n daangeffamee ture akka ka’u murteesse.

Waldaan Aksiyoonii Priimeyar Liigii Ityoophiya Yaa’ii idilee waliigalaa gaggeesseen fooyya’iinsa fiixee mindaa jijjiirraa taphattoota kilaboota liigichaa Birrii kuma 50n daangeffamee ture, durgoo oolmaa abbootii murtee fi komishinarootaa ilaalchisee dhiyaaterraatti mari’achuun murtoo dabarseera.

Fiixeen mindaa jijjiirraa taphattootaa daangeeffamuun jalqaburraa dogongora ta’uu fi kilaboota rakkoolee garaagaraaf saaxiluu walitti qabaan boordii Waldaa Aksiyoonii Priimeyar Liigii Ityoophiyaa ajejaan dhibbaa Fiqaaduu Maammoon dubbataniiru.

Fiixeen mindaa jijjiirraa taphattootaa kaa’amuun guddina kubbaa miilarraati dhiibbaa uumuurra darbee taaksii mootummaan adeemsicharraa argachuuf ture dhabsiisuu eeraniiru.

Yeroo itti aanu taphattoonni daangeffama malee akkaataa dandeettii isaaniin mindaa humna isaanii gituun jijjiirramuu akka danda’an murtaa’uu ibsaniiru.

Galii gurgurtaa tamsaasa kallattiirraa argame Doolaara miiliyoona 4 keessaa % 60 kilaboota hundaaf walqixa kan qooddame yoo ta’u,% 25 ammoo akkaataa sadarkaa isaaniin qoodamuufii eeraniiru.

Maddi:-TOI

Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.