Dorgomtoota dorgommii daldalaa fi kalaqaan moo’atan 20f badhaasni laatame
Finfinnee, Caamsaa 19, 2013 (FBC) – Dorgomtoota dorgommii daldalaa fi kalaqaan marsaa duraan moo’atan 20f badhaasni maallaqaa laatameera.
Dorgommiin yaada daldalaa fi Kalaqaa Komishiniin Carraa Hojii Uumuu fi Faawundeeshiniin Maasteer Kaardii qaamolee garaagaraa waliin ta’uun qopheessan baatiwwan 8 darbaniif gaggeeffamaa tureera.
Dorgomtoota yaada Daldalaa fi Kalaqaa kanarratti dorgomuuf galmaa’an keessaa kanneen ulaagaa guutuun 70 gidduutti dorgomichi gaggeeffamaa tureera.
Namoota dorgimmicha injifatan 20f tokkoon tokkoon isaaniif badhaasni Birrii Kuma dhibba 2 laatameera.
Adeemsi dorgommichaas Faanaa Broodkaastiing Korporeetiin darbaa turuun isaa kan yaadatamuudha.
Efireem Mitikkuutu gabaase.
Fuula Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubiihttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.