Dargaggoon Birrii kuma 40 bajaajii keessaa arge amanamummaan deebise

Finfinnee, Caamsaa 13, 2013 (FBC)- Godina Arsii aanaa Doddotaa magaalaa Awaash Malkaasaaatti dargaggoon Usmaan Adam jedhamu Birrii kuma 40 fi uffata adda addaa bajaajii keessaa arge amanamummaa deebiseera.

Namni dhuunfa maqaan isaanii obbo Asnaaqaa Ayyalaa jedhaman jiraataa Godina Arsii Aanaa Suudee magaalaa Haliilaa kan ta’aan maallaqicha  tasa bajaajii dargaggoo Usmaan Adam keessatti  kan irraffantaan.

Maatiin Usmaanii fi Usmaan odeeffannoo dabtara baankii mallaqa waliin jiru irraa argataniin gara obbo Asnaaqaa Ayyalaatti bilbiluun mallaqaa fi meeshaa isaan irraaffatan akka fudhatan itti himuu isaanii ibsaniiru.

Obbo Asnaaqaa maallaqasaanii argachuutti gammaduun Usmaan dargaggoota biroof fakeenya akka ta’uu himaniiru.

Midhaksa Qachaatu gabaase

Feesbuukii keenyan dabalata odeeffannoo waqtaawaa argachuuf; :-www.fanabc.com

Yuutyuubhttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.