Hayyoonni Oromoo waltajjii marii gaggeessaa jiru
Finfinnee, Caamsaa 12, 2013 (FBC) – Waltajjiin marii Gumii Balal marsaa 6ffaan mata duree ‘Dantaa Oromoo Horata Hawaasummaa fi Jijjiiramaaf’ jedhuun Waajjira Preezdaantii bulchiinsa mootummaa naannoo Oromiyaatti ta’amaa jira.
Itti Gaafatamaan Waajjira Preezdaantii bulchiinsa mootummaa naannoo Oromiyaa obbo Geetuu Gammachuu Waltajjiin Marii Gumii Balal marsaa marsaan geggeeffamaa jiru,Jijjiirama Hawaas Diinagdee Uummata Oromootiif shoora guddaa qaba jedhaniiru.
Jijjiirama biyya kana keessatti dhufeef gaheen hayyootaa fi dargaggoota Oromoo olaanaa ta’uu ibsaniiru.
Waliin mari’annee hojjennaan Dantaa Oromoo kabachiisuu qofaa osoo hin taane Dantaa Biyyattii kabachiisuu dandeenyas jedhan.
Waltajjii Gumii Balal har’aa kan dursan Kaadhimamaan PHD Faajjii Caalaa ,Dantaa Uummata Oromoo Kabachiisuuf,akka sabaatti Horata Hawaasummaa Oromoon qabu madaallee ilaaluun barbaachisaadha jedhaniiru.
Tarsiimoon biyyattii kana dura ture Dantaa bu’uuraa Uummata Oromoof Daandii bane hin turree jedhaniiru.
Abbaa jijjiiramichaa kan ta’e Uummata Oromoof Dantaa isaa kabachiisuun,guddina siyaasa fi diinagdee keessatti Uummatichi fayyadamaa akka ta’uuf hojjechuun barbaachisaa ta’uu ibsaniiru.
Kana malees Asxaan bulchiinsa mootummaa naannoo Oromiyaa inni haaraan guyyaa har’aa jalqabbii Waltajjii Gumii Balal irratti Ifoomeera.
Yaaddessaa Geetaachootu gabaase.
Feesbuukii keenyan dabalata odeeffannoo waqtaawaa argachuuf; :-www.fanabc.com
Yuutyuubhttps://www.youtube.com/c/fanabroadcastingcorporate/
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.