Magaalichatti Qalmi seeraan alaa fayyaa hawaasaaf sodaa ta’uu ibsame

Qalmi seeraan alaa sodaa fayyaa ta’uurra darbee magaalichi galii Birrii biiliyoona 1 ol akka dhabu taasiisuu dhaabbatichi eereera.

Dhaabbatichi ayyaana Faasikaaf tajaajila qalma horii fayyummaan isaanii mirkanaa’e laachuuf qophii xummuruu beeksiseera.

Dhaabbanni Qeerawwanii magaalaa Finfinnee Komishinii misooma qonnaa fi qonnaan bultootaa bulchiinsa magaalichaa waliin ta’uun ayyaana Faasikaa ilaalchisee ibsa laataniiru.

Komishiniin misooma qonnaa fi qonnaan bultootaa bulchiinsa magaalichaa qalmi seeraan alaa heddumminaan magaalicha keessatti kan raawwatu ta’uu ibseera.

Qaamoleen Qalma seeraan Alaa raawwatanii argaman adabbii Birrii kuma 15 – 25 fi hidhaa baatii 2 -3 kan adabaman ta’uu eerera.

Dhaabbatichi Ayyaana Faasikaaf qalma Sangaawwan, Hooloota fi Re’oota kuma 4 fi 500 hanga kuma 500 kan raawwatu ta’uu Sabqunnamtiin Dhaabbata Qeerawwanii obbo Ataakiltii Gabramikaa’eel eeraniiru.

Dhaabbatichi tajaajila Qalma Qotiyyoof Birrii 800, Hoolaa fi Re’eef ammoo Birrii 100 kan kaffalchiisu ta’uu dubbataniiru.

Maddi:-TOI

Fuula Feesbuukii keenyan dabalata odeeffannoo waqtaawaa argachuuf; :-www.fanabc.com

Yuutyuubiihttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.