Koreen Dhaabbii dhimma Misooma Baadiyaa Caffee Oromiyaa raawwii hojii manneen hojii sagalii gamaaggame

Korichi gabaasa raawwii hojii Biiroo Qonnaafi Qabeenya Uumamaa, Ejensii Babal’ina Waldaalee Hojii Gamtaa, Eejensii Misooma Qabeenya Beeyladaa, Abbaa Taayitaa Eegumsa Naannoo, Bosonaa fi Jijjiirama Qilleensaa, Komiishinii Qindeessa Misooma Naannoo Horsiisee Bulaa, Abbaa Taayitaa To’annoo Galteewwan Qonnaa, Inistiitiyuutii Qorannoo Qonnaa, Komiishinii Hooggansa Sodaa Balaa fi Ejensii Misooma Gabaa Oromiyaa qorateera.

Koreen dhaabbii kun ciminaa fi hanqinoota hanga ammaatti jiru gamaaggamuun kallattii kaa’eera.

Walumaagalatti, raawwii hojii manneen hojii kanneenii qorachuun ciminaalee fi hanqinaalee jiran adda baasuun kallattii fuula duraa kaa’uu Dura Taa’aan korichaa obbo Abdulhakim Abdallaa ibsuu isaanii ragaan Caffee Oromiyaarraa argame ni muul’isa.

Oduma walfakkaatuun Koreen Dhaabbii Dhimma Dubartoota, Daa’immaniifi Dargaggootaa Caffee Oromiyaa raawwii hojii kurmaana 3ffaa manneen hojii lamaa gamaaggamee jira.

Koreen kun, gabaasa raawwii hojii Biiroo Dhimma Dubartootaa, Daa’immaniifi Dargaggootaafi Komiishinii Ispoortii Oromiyaa qorachuu dura Teessuun Korichaa Aadde Mastaawut Fayyisaa eeraniiru.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubiihttps://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.