Torbee kana namoota qorannoon taasiifamee keessaa % 25 irratti vaayrasiin koroonaa argame – Dooktar Liyaa
Finfinnee, Bitootessa 23, 2013 (FBC) – Torbee kana namoota qorannoon laabraatoorii taasiifamee keessaa % 25 irratti vaayrasiin koroonaa argamuu Ministirri Ministeera Fayyaa Dooktar Liyaa Taaddasaan ibsan.
Ministeerri Fayyaa fi Yaa’iin Dhaabbilee Amantaalee Ityoophiyaa haala weerara vaayrasii koroonaa ittisuun danda’amurratti ibsa waloo laataniiru.
Ummata balaa weerara kanaan ga’aa jirurraa baraaruun itti gaafatamummaa waloo ta’uu ibsaniiru.
Naannoo dhaabbilee amantaatti qajeelfamni weerara dhibee Covid –19 ittisuuf ba’e hojiirra akka oolu waamichi dhiyaateera.
Ministirri Ministeera Fayyaa Dooktar Liyaa Taaddasaan torbee kana namoota qorannoon laabraatoorii taasiifamee keessaa % 25 irratti vaayrasiin koroonaa argameera jedhan.
Dhibee balaafamaa kana ittisuuf qaamoleen dhimmi ilaallatu sosochii jajjabeessaa taasiisaa jiraachuu eeraniiru.
Dhaabbileen amantaa weeraricha ittisuuf tattaaffii eegalan cimsanii akka itti fufan gaafataniiru.
Qaamni hundi sosochii guyyaa guyyaan taasiisu keessatti of eeggannoo cimaa taasiisuu akka qaban waamicha dhiyeessaniiru.
Ummata balaa hammaataa weerara kanaan ga’aa jirurraa baraaruun itti gaafatamummaa waloo ta’uu qaba jechuu isaanii ragaan Ministeera Fayyaarraa argame ni agarsiisa.
Fuula Feesbuukii keenyan dabalata odeeffannoo waqtaawaa argachuuf;
Teelegraama https://t.me/afanoromofana
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Yeroo maraa nu waliin waan taataniif isin galateeffanna.